ᠵᠦᠢᠷ ᠮᠡᠷᠭᠡᠨ ᠦᠭᠡᠰ ᠠᠷᠪᠠᠨ ᠭᠤᠷᠪᠠ
1 ᠮᠡᠷᠭᠡᠨ ᠬᠥᠪᠡᠭᠦᠨ ᠡᠴᠢᠭᠡ ᠶᠢᠨ ᠢᠶᠠᠨ ᠵᠢᠭᠠᠪᠤᠷᠢ ᠶᠢ ᠴᠢᠩᠨᠠᠳᠠᠭ ᠪᠠᠰᠤᠮᠵᠢᠯᠠᠭᠴᠢ ᠨᠢ ᠵᠢᠮᠡᠯᠡᠯ ᠢ ᠰᠣᠨᠣᠰᠳᠠᠭ ᠦᠭᠡᠢ᠃
2 ᠬᠥᠮᠦᠨ ᠣᠷᠣᠭᠤᠯ ᠤᠨ ᠢᠶᠠᠨ ᠦᠭᠡᠰ ᠢᠶᠡᠷ ᠰᠠᠢᠨ ᠢ ᠠᠮᠰᠠᠨᠠ ᠲᠡᠷᠰᠯᠡᠭᠴᠢ ᠶᠢᠨ ᠬᠦᠰᠡᠯ ᠨᠢ ᠬᠠᠷᠭᠢᠰᠯᠠᠯ᠃
3 ᠠᠮᠠ ᠪᠠᠨ ᠬᠠᠷᠠᠭᠤᠯᠳᠠᠭᠴᠢ ᠨᠢ ᠠᠮᠢ ᠪᠠᠨ ᠬᠠᠮᠠᠭᠠᠯᠠᠭᠴᠢ ᠠᠶᠤᠯ ᠭᠠᠮᠰᠢᠭ ᠨᠢ ᠶᠡᠬᠡ ᠦᠭᠡ ᠭᠠᠷᠭᠠᠳᠠᠭ ᠬᠥᠮᠦᠨ ᠦ ᠬᠢ᠃
4 ᠠᠯᠬᠠᠭ ᠬᠥᠮᠦᠨ ᠮᠥᠷᠥᠭᠡᠳᠦᠪᠡᠴᠦ ᠬᠣᠭᠣᠰᠣᠨ ᠠᠵᠢᠯᠰᠠᠭ ᠬᠥᠮᠦᠨ ᠪᠠᠶᠠᠨ ᠴᠠᠳᠬᠤᠯᠠᠩ᠃
5 ᠵᠥᠪᠲᠡᠨ ᠬᠤᠳᠠᠯ ᠦᠭᠡ ᠶᠢ ᠵᠢᠭ᠍ᠰᠢᠨᠡ ᠪᠤᠷᠤᠭᠤᠲᠠᠨ ᠵᠢᠭ᠍ᠰᠢᠭᠳᠡᠵᠦ ᠰᠢᠪᠰᠢᠭ ᠪᠣᠯᠣᠨᠠ᠃
6 ᠭᠣᠣᠯᠴᠢ ᠶᠣᠰᠣ ᠪᠤᠷᠤᠭᠤ ᠦᠭᠡᠢ ᠵᠠᠮᠨᠠᠭᠴᠢ ᠶᠢ ᠬᠠᠮᠠᠭᠠᠯᠠᠵᠤ ᠬᠣᠷᠣᠨ ᠮᠠᠭᠤ ᠨᠢ ᠨᠢᠭᠦᠯᠲᠡᠨ ᠢ ᠬᠥᠮᠥᠷᠢᠨᠡ᠃
7 ᠶᠠᠭᠤ ᠴᠤ ᠦᠭᠡᠢ ᠪᠠᠷ ᠪᠠᠶᠠᠨ ᠰᠢᠭ᠋ ᠨᠢᠭᠡᠨ ᠪᠤᠢ ᠶᠡᠬᠡ ᠬᠥᠷᠥᠩᠭᠡ ᠲᠠᠢ ᠴᠤ ᠶᠠᠳᠠᠭᠤ ᠰᠢᠭ᠋ ᠨᠢᠭᠡᠨ ᠪᠤᠢ᠃
8 ᠡᠳ᠋ ᠪᠠᠶᠠᠯᠢᠭ ᠨᠢ ᠬᠥᠮᠦᠨ ᠦ ᠠᠮᠢ ᠶᠢᠨ ᠪᠠᠷᠢᠴᠠᠭᠠ ᠪᠣᠯᠬᠤ ᠨᠢ ᠪᠤᠢ ᠶᠠᠳᠠᠭᠤ ᠬᠥᠮᠦᠨ ᠬᠠᠷᠢᠨ ᠰᠦᠷᠳᠡᠭᠦᠯᠦᠯ ᠢ ᠰᠣᠨᠣᠰᠬᠤ ᠴᠤ ᠬᠡᠷᠡᠭ ᠦᠭᠡᠢ᠃
9 ᠵᠥᠪᠲᠦ ᠶᠢᠨ ᠭᠡᠷᠡᠯ ᠰᠠᠴᠤᠷᠠᠨᠠ 16 ᠪᠤᠷᠤᠭᠤᠲᠠᠨ ᠤ ᠳ᠋ᠧᠩ ᠤᠨᠲᠠᠷᠠᠨᠠ᠃
10 ᠪᠠᠷᠳᠠᠮᠨᠠᠯ ᠨᠢ ᠮᠠᠷᠭᠤᠭᠠᠨ ᠠᠪᠴᠢᠷᠠᠨᠠ ᠵᠥᠪᠯᠡᠯᠭᠡ ᠠᠪᠤᠭᠴᠢ ᠳᠤ ᠮᠡᠷᠭᠡᠨ ᠤᠬᠠᠭᠠᠨ ᠪᠠᠢᠨᠠ᠃
11 ᠬᠤᠳᠠᠯ ᠢᠶᠠᠷ ᠣᠯᠣᠭᠰᠠᠨ ᠬᠥᠷᠥᠩᠭᠡ ᠨᠢᠮᠭᠡᠷᠡᠵᠦ ᠭᠠᠷ ᠢᠶᠠᠷ ᠢᠶᠠᠨ ᠣᠯᠣᠭᠰᠠᠨ ᠨᠢ ᠵᠤᠵᠠᠭᠠᠷᠠᠨᠠ᠃
12 ᠰᠠᠭᠠᠲᠠᠭᠰᠠᠨ ᠨᠠᠢᠳᠠᠪᠤᠷᠢ ᠰᠡᠳᠬᠢᠯ ᠤᠨ ᠡᠪᠡᠳᠴᠢᠨ ᠪᠡᠶᠡᠯᠡᠭᠳᠡᠭᠰᠡᠨ ᠮᠥᠷᠥᠭᠡᠳᠦᠯ ᠠᠮᠢ ᠶᠢᠨ ᠮᠣᠳᠣ᠃
13 ᠵᠢᠭᠠᠪᠤᠷᠢ ᠶᠢ ᠪᠠᠰᠤᠭᠴᠢ ᠲᠣᠷᠭᠠᠭᠤᠯᠤᠨᠠ ᠵᠠᠷᠯᠢᠭ ᠢ ᠬᠦᠨᠳᠦᠯᠡᠭᠴᠢ ᠱᠠᠩᠨᠠᠭᠤᠯᠤᠨᠠ᠃
14 ᠮᠡᠷᠭᠡᠨ ᠬᠥᠮᠦᠨ ᠦ ᠰᠤᠷᠭᠠᠯ ᠠᠮᠢ ᠶᠢᠨ ᠤᠨᠳᠤᠷᠤᠭᠠ ᠲᠡᠷᠡ ᠨᠢ ᠦᠬᠦᠯ ᠦᠨ ᠲᠣᠣᠷ ᠠᠴᠠ ᠮᠤᠯᠲᠤᠷᠠᠭᠤᠯᠳᠠᠭ
15 ᠰᠠᠷᠠᠭᠤᠯ ᠤᠬᠠᠭᠠᠨ ᠲᠠᠭᠠᠯᠠᠯ ᠢ ᠣᠯᠣᠨᠠ᠂ ᠢᠲᠡᠭᠡᠮᠵᠢ ᠦᠭᠡᠢ ᠬᠥᠮᠦᠨ ᠦ ᠵᠠᠮ ᠲᠡᠷᠡ ᠯᠠ ᠶᠠᠩᠵᠤ ᠪᠠᠷ ᠢᠶᠠᠨ᠃
16 ᠬᠡᠷᠰᠡᠦ ᠪᠣᠯᠭᠠᠨ ᠮᠡᠳᠡᠯᠭᠡ ᠪᠡᠷ ᠦᠢᠯᠡᠳᠬᠦ ᠳᠦ ᠮᠤᠯᠭᠤᠤ ᠨᠢ ᠮᠤᠩ᠋ᠬᠠᠭ ᠢᠶᠠᠨ ᠦᠵᠡᠭᠦᠯᠦᠨᠡ᠃
17 ᠭᠠᠵᠢᠭᠰᠠᠨ ᠡᠯᠴᠢ ᠭᠠᠢ ᠳᠤ ᠤᠨᠠᠨᠠ ᠢᠲᠡᠭᠡᠮᠵᠢᠲᠦ ᠡᠯᠴᠢ ᠡᠳᠡᠭᠡᠷᠡᠯ ᠢ ᠠᠪᠴᠢᠷᠠᠨᠠ᠃
18 ᠵᠢᠭᠠᠪᠤᠷᠢ ᠶᠢ ᠦᠯᠦ ᠣᠢᠰᠢᠶᠠᠭᠴᠢ ᠳᠤ ᠶᠠᠳᠠᠭᠤᠷᠠᠯ ᠬᠢᠭᠡᠳ ᠭᠤᠲᠤᠮᠰᠢᠭ ᠵᠢᠮᠡᠯᠡᠯ ᠢ ᠰᠠᠬᠢᠭᠴᠢᠳ ᠲᠤ ᠬᠦᠨᠳᠦᠯᠡᠯ᠃
19 ᠮᠥᠷᠥᠭᠡᠳᠦᠯ ᠪᠡᠶᠡᠯᠡᠬᠦ ᠨᠢ ᠰᠡᠳᠬᠢᠯ ᠳᠤ ᠠᠮᠲᠠ ᠲᠠᠢ ᠮᠠᠭᠤ ᠠᠴᠠ ᠡᠷᠭᠢᠬᠦ ᠨᠢ ᠮᠤᠩ᠋ᠬᠠᠭ ᠲᠤ ᠵᠢᠭ᠍ᠰᠢᠯ ᠲᠠᠢ 17 ᠃
20 ᠮᠡᠷᠭᠡᠨ ᠲᠡᠢ ᠠᠯᠬᠤᠪᠠᠯ ᠮᠡᠷᠭᠡᠨ ᠮᠤᠩ᠋ᠬᠠᠭ ᠲᠠᠢ ᠬᠠᠨᠢᠯᠠᠪᠠᠯ ᠮᠥᠬᠥᠯ᠃
21 ᠨᠢᠭᠦᠯᠲᠡᠨ ᠮᠠᠭᠤ ᠶᠢ ᠳᠠᠭᠠᠭᠤᠯᠤᠨᠠ ᠵᠥᠪᠲᠡᠨ ᠰᠠᠢᠨ ᠢᠶᠠᠷ ᠱᠠᠩᠨᠠᠭᠳᠠᠨᠠ᠃
22 ᠰᠠᠢᠨ ᠬᠥᠮᠦᠨ ᠥᠪ ᠢᠶᠡᠨ ᠠᠴᠢ ᠵᠢᠴᠢ ᠳᠡᠭᠡᠨ ᠦᠯᠡᠳᠡᠭᠡᠨᠡ ᠨᠢᠭᠦᠯᠲᠡᠨ ᠦ ᠨᠥᠭᠡᠭᠡᠭᠰᠡᠨ ᠪᠠᠶᠠᠯᠢᠭ ᠵᠥᠪᠲᠦ ᠶᠢᠨ ᠲᠥᠯᠥᠭᠡ ᠬᠠᠳᠠᠭᠠᠯᠠᠭᠳᠠᠨᠠ᠃
23 ᠶᠠᠳᠠᠭᠤᠰ ᠤᠨ ᠲᠠᠯᠠᠪᠠᠢ ᠳᠤ ᠬᠦᠨᠡᠰᠦ ᠡᠯᠪᠡᠭ ᠴᠤ ᠰᠢᠳᠤᠷᠭᠤ ᠪᠤᠰᠤ ᠳᠤ ᠲᠡᠭᠦᠨ ᠢ ᠪᠠᠨ ᠪᠤᠯᠢᠶᠠᠭᠳᠠᠵᠤ ᠪᠠᠢᠳᠠᠭ᠃
24 ᠰᠢᠯᠪᠢᠭᠦᠷ ᠢᠶᠡᠨ ᠬᠤᠷᠢᠶᠠᠭᠴᠢ ᠨᠢ ᠬᠡᠦᠬᠡᠳ ᠢᠶᠡᠨ ᠦᠵᠡᠨ ᠶᠠᠳᠠᠭᠴᠢ ᠰᠢᠮᠳᠠᠵᠤ ᠰᠠᠬᠢᠯᠭᠠᠵᠢᠭᠤᠯᠤᠭᠴᠢ ᠨᠢ ᠲᠡᠭᠦᠨ ᠢ ᠬᠠᠢᠷᠠᠯᠠᠭᠴᠢ᠃
25 ᠵᠥᠪᠲᠡᠨ ᠬᠠᠨᠲᠠᠯᠠ ᠪᠠᠨ ᠢᠳᠡᠳᠡᠭ ᠪᠣᠯ ᠪᠤᠷᠤᠭᠤᠲᠠᠨ ᠤ ᠬᠣᠳᠣᠭᠣᠳᠣ ᠬᠣᠭᠣᠰᠣᠨ᠃